關於運動，我有好多經驗。
而呢啲經驗，全部都係失敗嘅經驗。

無論長跑...

關於運動，我有好多經驗。
而呢啲經驗，全部都係失敗嘅經驗。

無論長跑、短跑、跳高、跳遠、打排球、掟鉛球，
我都可以無一例外咁成為最後一名，並且創出驚人嘅記錄。
包括，跳遠從來冇跳過入個沙池度，我個人認為個沙池真係太遠。

我喺運動方面努力過，成功咁令我由全班第尾......變成全班尾二。
運動令我領悟到一個道理，「成功係99%嘅努力，加1%嘅天賦」，呢句說話係呃人嘅。
冇錯，努力好重要，所以正確嘅公式係：
「成功係99%嘅努力，乘以1%嘅天賦。」

任何嘢乘零都等於零。
換句話講，當你嘅天賦係0，就算你有99分嘅努力，99x0=0
你嘅成就都會係0，就係咁殘酷。

所以，冇必要盲目相信「努力」，對於完全冇天賦嘅嘢，不如慳番啲力。
例如我做運動嘅時候，總會思考呢啲哲學。
我永遠無法成為運動家，但我做多啲運動，可能會做到哲學家呢。

#陳美濤 #tomatochan @aasfp #體適能學院@future_wellness_hk #fitness #健身女孩 @gordon_khoo #運動公關

---